Është zbuluar servisi ku është modifikuar furgoni i grabitësve të Rinasit, me mbishkrimin “Hetimi Tatimor”, që u përdor për grabitjen e 6.5 milionë eurove.
Burime nga grupi hetimor konfirmojnë se ky servis ndodhet në Elbasan dhe policia ka marrë në pyetje pronarin për të bërë të mundur identifikimi e atyre që e kanë porositur modifikimin.
“Top Channel” raporton se mes të hetuarve nuk përjashtohet edhe përfshirja e një femre, e cila ka pasur një rol ndihmës për bashkëpunëtorët dhe grabitësit e dhunshëm të aeroportit më 9 prill.
Gjithashtu, edhe për personin i cili dogji një furgon në afërsi të Bathores, për të shpërqendruar policinë, janë gjetur të dhëna që mund të çojnë në identifikimin e tij.
Prokuroria e Krimeve të Rënda thotë në rrugë jo zyrtare, se ka përfunduar sekuestrimin e dhjetëra dokumenteve pranë TIA-s dhe ICTS-së dhe pritet që në javën në vazhdim të nisë marrjen në pyetje të shumë prej këtyre punonjësve.