Të rralla janë rastet që dy moderatoret shumë të dashura të ekranit, Arbana Osmani dhe Xhemi Shehu, kanë publikuar poza së bashku me fëmijët e tyre.
Foto të dy vajzave kemi parë plot, mirëpo kësaj here mikeshat kanë vendosur të ndajnë me publikun edhe një pozë që ka marrë vëmendjen e të gjithëve.
Arbana, djali i saj Joni, Xhemi dhe dy djemtë e saj, kanë pozuar të gjithë në një foto që na kënaqi sytë!
Ata janë mbledhur si një familje e vërtetë, duke përgatitur ëmbëlsira me siguri nga recetat e Arbanës, ndërsa kjo e fundit e ka publikuar foton në llogarinë e saj.
“Familje”- shkruan Arbana krahas pozës së ëmbël që ka marrë shumë komplimente.
Kjo është ndër të pakëtat herë që dy moderatoret kanë ndarë me publikun momente kaq private me fëmijët e tyre, ndërsa ne i këshillojmë të vazhdojnë të publikojnë më shumë foto të tilla të adhurueshme!
