Jemi në periudhën e verës dhe gjithmonë gati për të udhëtuar diku në fundjavë. Nëse jeni në kërkim të një destinacioni të ri çdo javë, atëherë mirëprisni këshillat nga këto 3 blogere mode.
Odeta Banushaj, Sarah Berisha dhe Françeska Çoniku bëhen bashkë për të dhënë detaje për veshjet, buxhetin, guidën e detajuar, këshilla akomodimi dhe njohjen me ushqimet tradicionale.
Autorja e emisionit, Odeta tregoi se emisioni “Top Bloggers” do të fillojë të mërkurën më 20 qershor.
Në përshkrimin e videos së publikuar nga profili i emisionit në “Instagram” ndër të tjerash shkruhet: “Tri blogere mode, do të eksplorojnë destinacionet turistike shqiptare në formën e një video blogu udhëtimi që do të transmetohet ekskluzivisht në TCH për javë me radhë”.
