Ministrja e Shëndetësisë Ogerta Manastirliu ka publikuar pamje të rënda nga brenda spitalit të Sanatoriumit, aty ku po kurohen dhjetëra pacientë të infektuar me COVID-19 .
Pamjet e të infektuarve janë publikuar një ditë pas vetëvrasjes së 29-vjeçarit Xhino Koca, i cili kishte ditë që kurohej në spital.
Njerëzit që marrin frymë përmes aparaturave të oksigjenit, të moshuar që rënkojnë dhe mjekë që u rrinë tek koka pacientëve, janë këto pamjet që shohim në video.
Mes tyre dëgjohet edhe një grua që i thotë mjekes: “Doktorët do të më shpëtojnë dhe do të më çojnë te familja”.
Në videon e publikuar, ministrja shkruan: “SPITALI “Shefqet Ndroqi” PA KOMENT! Vendose maskën, ruaj distancën dhe kujdesu për higjenën. Mos rreziko jetën tënde dhe të njerëzve më të dashur! Të gjithë bashkë, t’i japim një dorë mjekëve dhe infermierëve”.
https://www.instagram.com/p/CD3Qx2pAu5J/
