Xhensila Myrtezaj do të jetë e ftuara speciale e natës gjysmëfinale të programit “The Voice Kids Albania”.
Me anë të një videoje në Instastory, këngëtarja ka zbuluar se do të performojë për publikun në skenë dhe të gjithë teleshikuesit.
Xhensila shfaqet e veshur me një kostum të bardhë sportiv në videon e publikuar në Instagram, që me sa shohim është bërë gjatë provave.
Që pas lindjes së vajzës Ajka kjo është hera e parë që këngëtarja rikthehet në një konkurs të të tilla përmasave në televizion, përpos koncerteve që ka dhënë në trevat shqiptare.
Dje këngëtarja festoi 26-vjetorin e saj të lindjes me bashkëshortin dhe vajzën.
Çifti zgjodhi që të mos organizonin një festë, të paktën me sa vumë re në rrjetet sociale. Duke qenë se janë një familje mjaft besimtare, Xhensila dhe Besi vizituan Kishën e Shna Ndout në Laç.
Këngëtarja e njohur postoi një foto, ku shfaqeshin vetëm këmbët e saj dhe Besit bashkë me vogëlushen Ajka.
