Ceremonia hapëse e Lojërave Olimpike do të mbahet në Tokio më 23 korrik 2021, ndërsa ceremonia mbyllëse më 8 gusht 2021.
Duke qenë se Lojërat Olimpike u shtynë për herë të parë në historinë e tyre për shkak të pandemisë Covid-19, vendimi i mbajtes së tyre u bazua në tri parimet kryesore:
Mbrojtja e shëndetit të sportistëve dhe personave të tjerë të përfshirë në Lojërat Olimpike.
Mbrojtja e interesave të sportistëve dhe sportit Olimpik.
Kalendari i ngjeshur i garave ndërkombëtare.
Pavarësisht se do të mbahen në vitin 2021, Lojërat Olimpike do të quhen “Tokio 2020”. Atletët më të mirë të botës do të mblidhen kësaj here në Japoni për të marrë pjesë në 28 sporte të ndryshme, për të fituar një medalje të artë.
Kësaj here, në Lojrat Olimpike do të marrin pjesë edhe atletë shqiptarë, të cilët kanë të gjithë mbështetjen tonë.
View this post on Instagram
Disa prej atletëve ishin sot të ftuar në një intervistë në “Wake Up”, ndërsa Luiza Gega ka treguar emocionet para garës.
“Nuk ka kaluar as 24 orë nga bërja e tamponit, e bëjmë çdo ditë. Kishim një tranzit në Stamboll, u akomoduam në hotelin e aeroportit dhe gjeta mundësinë që të mos humbja stërvitjen, mos të humbasë dita pa stërvitje. Këtë gjë e bëj pasi nuk janë hapur ende ambientet për sportin e atletikës, pasi ne i fillojmë garat më vonë.
Kam emocione, jo bllokuese normalisht, por është një aktivitet kaq i madh që të gjithë e ëndërrojnë dhe kemi vite që përgatitemi. Emocionet janë, pavarësisht eksperiencës ndër vite, prapë emocionet e garës duket se do i kem gjithë jetën. Uroj të realizojmë objektivat për të cilat lodhemi dhe punojmë çdo ditë.”- ka treguar ajo.
