Getoar Selimi apo siç njihet me emrin e skenës Ghetto Geasy, feston sot ditëlindjen. Reperi mbush plot 40 vjeç dhe sigurisht që urimi i parë erdhi nga partnerja e tij, moderatorja Marina Vjollca.
Marina postoi një foto të reperit teksa e uronte me fjalët më të ëmbla -“Gëzuar ditëlindjen mbretit të zemrës sime! Ti meriton botën! Të dua përgjithmonë”!
View this post on Instagram
Nuk kanë munguar as urimet dashamirëse nga kolegë dhe fansa të shumtë. Marina dhe Getoari janë një nga çiftet më të njohur të showbizit, dhe ata kanë një vajzë së bashku me emrin Marget.
Moderatorja gjithashtu festoi ditëlindjen para pak kohësh dhe Getoari nuk i kurseu fjalët e bukura duke na vërtetuar që janë një nga çiftet më të dashuruara.
Marina ka folur për jetën e saj private, veçanërisht martesën me Getoar Selimin, dhe sipas saj dashuria mes tyre vazhdon të jetë po njësoj si ditën e parë. Ajo shton se deri më tani martesa e tyre nuk duket fare monotone dhe mendon se nuk do të ndodhë kurrë diçka e tillë për sa kohë të dy kanë qëllime dhe ide të njëjta për njëri-tjetrin.
“Veç sekret që nuk ka në dashuri. Sekreti i Getit ky është, di të të lërë pa fjalë (për mirë deri tani)”.
