Kanye West doli nga spitali së fundmi, pas një seri incidentesh të çuditshme. 39-vjeçari u dallua të hënën në Nju-Jork vetëm disa javë pas një krize nervore.
Kanye mbante veshur atletet Yeezy dhe veshje të gjëra për daljen e tij të dytë publike pas shtrimit në spital.
Një burim tha për “People” se në të njëjtën ditë, bashkëshortja e Kanye, Kim Kardashian, ishte mërzitur me reperin se nuk po pushonte.
“Kim e mohon se ata po divorcohen, por gjërat nuk janë mirë mes saj dhe Kanye. Ai supozohet të pushojë dhe të fokusohet në shëndetin e tij mendor. Në vend të kësaj, ai ka një javë shumë të zënë dhe nuk pushon. Kim sillet në mënyrë të mërzitshme. Ajo duket e mjerueshme dhe po shpenzon shumë kohë me familjen e saj”, tha një burim i brendshëm.
Reperi u shtrua në spital më 21 nëntor pas një krize nervore. Ai ndodhej në shtëpinë e trajnerit, ku nisi të bërtiste se njerëzit po përpiqeshin ta vrisnin.
Burimi: Daily Mail
