Thuhet se për të pasur një bel të hollë është e nevojshme të ndiqni një program ushtrimesh specifike dhe një dietë ushqimore të hekurt.
Por megjithatë edhe moda mund t’iu vij në ndihmë duke mundësuar një bel të hollë sipas veshjeve që preferoni të vishni. Ja disa këshilla të cilat ju ndihmojnë që me anë të veshjeve të keni një bel më të hollë.
1.Vishni një palë pantallona me bel të lartë
A është e mundur që një palë pantallona me bel të lartë të mundësojnë një bel më të hollë? Po, kjo veshje është në gjendje për të theksuar belin duke dhënë përshtypjen se keni një fizik në formën e orës së rërës. Për më tepër një palë pantallona me bel të lartë ju bëjnë të dukeni sikur keni linja më të bukura edhe pse mund të jeni një femër me pak të tilla.
2.Vendosni një rrip në bel
Një truk shumë i vjetër në botën e modës për të mundësuar një bel të hollë është pikërisht të vini një rrip në bel. Është më mirë nëse e vini mbi një fustan të gjerë sepse në një fustan të ngushtë nuk do të bëj shumë diferencë. Madje nëse dëshironi mund ta vini edhe sipër xhaketës, trikos etj.
3.Mbani bluzat brenda
Në të vërtet bluza brenda pantallonave apo fundeve ka një pamje me të vërtet të bukur. Kështu nëse preferoni një veshje të tillë keni tre gjëra në avantazh. E para ju bën të dukeni më të gjata, e dyta bluza brenda ju bën të dukeni më të holla dhe e treta ju bën të keni një bel më të hollë.
4.Preferoni fundet e ngushta
Fundet e ngushta janë shumë të dashura për femrat dhe duhet të keni më shumë në gardërobën tuaj. Jo vetëm për sa i përket pamjes formale, por një fund të ngushtë mund ta vishni edhe në raste me “casual”.
5.Zgjidhni një fustan që kryqëzohet
Një fustan i cili përshtatet më se miri në zonën e belit duke simuluar atë të hollë janë pikërisht fustanet të cilët kryqëzohen në pjesën e dekoltesë. Një fustan i tillë mund të vishet për një rast formal apo elegant.
6.Lidhni një këmishë në bel
Këmisha në bel shpesh lidhet në momentet kur ndjeni vapë dhe për të mos e mbajtur në duar shpesh e lidhim në bel. Por në fakt nëse lidhni një këmishë në bel mbi të gjitha nëse është me kuadrate dhe ta kombinoni me pjesën tjetër të veshjes do të keni një pamje disi rebele, por dhe një bel më të hollë nga ana vizuale.
7.Zgjidhni një fustan me ngjyrë anash
Një fustan i tillë nga ana vizuale ju bën të keni një bel më të hollë. Një model fustani i cili në anët e tij ka një ngjyrë më të errët dhe në pjesën e përparme një ngjyrë me të çelur ju bën të keni një bel më të hollë. Provoni ta kombinoni me taka dhe aksesorët e duhur.
