Të shumta kanë qenë bashkëpunimet mes vipave shqiptarë këtë verë, e sidomos ato të Noizyt të cilat kanë korrur sukses të paparë. Pas gjithë këtyre bashkëpunimeve fansat duan ta shohin reperin në një tjetër bashkëpunim.
Gjatë një Q&A në Instagram, një fans i ka shkruar Ronelës duke i shprehur asaj dëshirën për një bashkëpunim me Noizyn.
“Një bashkëpunim me Noizyn a nuk ke dëshirë ta realizosh,”- i ka komentuar ndjekësi.
“Një kënge të mirë s’do t’i thoja kurrë jo. E vlerësoj punën e çdo artisti këtu. Është tepër e vështirë t’ja dalësh në Shqipëri me muzikë. Kështu që big up atyre që i rezistojnë tregut,”– është përgjigjur Ronela duke mos e hequr si mundësi një bashkëpunim mes saj dhe reperit.
Ndoshta e vetmja gjë që duhet është një ftesë nga ana e Noizyt për të parë një bashkëpunim flakë mes dyshes.
Kujtojmë se më herët, Ronela ka folur hapur për ndjesitë e saj në një intervistë më se të sinqertë.
“Absolutisht që do përplasesh, do vritesh, do të të thyhet zemra aq herë sa do ta lësh këtë gjë një mijë herë, por nuk duhet të heqësh dorë. Nëse arrin deri në atë pikë që ti je koshiente që vlen, nuk duhet të heqësh dorë. Fillon bëhesh e zonja vetes, ia di gabimet vetes edhe duke ia ditur gabimet vetes mund t’i rregullosh, mund t’i ndreqësh. Mendoj se në showbiz po mos të jesh me këmbë në tokë je i mbaruar…”
