Ai e tha edhe vetë! Një ndër këngët e tij të preferuara po bëhet gati dhe ne gjithashtu jemi shumë gati ta dëgjojmë!
Sardi Strugaj po bën një punë të palodhur teksa po përgatit njëri-pas tjetrit projekte tepër interesante, që ta rrëmbejnë vëmendjen e të fiksohen që me herën e parë kur i dëgjon!
Ç’surpriza na presin prej tij këtë shtator?
Sipas hulumtimeve tona, këngëtari po sjell një bashkëpunim me një emër jo pak të njohur në botën e muzikës. E kemi fjalën për Marsela Çibukajn!
Në fakt, ky detaj “i shpëtoi” vetë Sardit në një prej postimeve të fundit nga studio muzikore, ku punonte për projektin e ri.
“A flet ti me detin tonë?”- shkroi këngëtari, ndërsa po të shihni më poshtë, janë të shkruar emrat “Sardi, Marsela, Mandi”.
Që diçka interesante po gatuhet, kjo është e sigurt! Por, për më tepër detaje mbetet të presim vetë Sardin të na tregojë!
