Nga data 7 nëntor e tutje, një asteroid do të quhet Pranvera. Ky është emri i themelueses së “Astronomy Outreach of Kosovo”, Pranvera Hyseni.
Ajo ka njoftuar për këtë lajm përmes rrjeteve sociale, ku është shprehur e priveligjuar me këtë titull që ka marrë.
“Është privilegj i madh për mua dhe klubin Astronomy Outreach of Kosovo që një asteroid të emërohet me emrin tim. Vërtetë mbeta pa fjalë! Ndjehem njeriu më i lumtur në botë. Faleminderit Rik Hill dhe Minor Planet Center.” ka shkruar ajo në “Facebook”, përcjell albinfo.ch.
Ky asteroid është zbuluar në vitin 2000 nga Catalina Sky Survey.
Në faqen e Unionit Ndërkombëtar të Astronautëve, Pranvera përshkruhet si një përfaqësuese entuziaste e Kosovës në Astronomi.
22-vjeçarja nga Vushtrria është themeluesja e klubit “Astronomy Outreach of Kosovo”, që është programi më i lartë për shpërndarjen dhe popullarizimin e astronomisë në Kosovë.
