Bebe Rexha ka publikuar videoklipin e ri për këngën “You Can’t Stop the Girl”.
Kënga e re është kolona zanore për filmin e ardhshëm të Disney-t, “Maleficent”: Mistress of Evil.
Drejtuar nga regjisorja Sophie Muller, klipi ndërthur mesazhin për fuqizimin e femrës.
Vetë Bebe Rexha shfaqet me një grup femrash të forta që enden nëpër peisazhin përrallor të filmit – së bashku me pamjet e Los Angeles në perëndimin e diellit.
Pjesë e këtij klipi është edhe aktorja e njohur Angelina Jolie, në pjesët e shkëputura nga filmi i cili sapo ka dalë në kinema.
Ne ju ftojmë ta shijoni klipin e ri që do t’ju bëjë të ndiheni të vendosura dhe të sigurta në vetvete, një mesazh ky që Bebe Rexha ka dashur të japë!
