Kryeja e testeve të shpejta është parë si mënyrë për të parandaluar përhapjen e virusit. Në shumë vende ka nisur bërja e testeve të shpejta, ku ekipe specialistësh dalin në rrugë dhe kryejnë testimet e njerëzve.
Sakaq, këto testime të shpejta për koronavirusin kanë nisur dhe në Shqipëri ditën e sotme, siç kishte lajmëruar ministrja e Shëndetësisë Ogerta Manastirliu.
Të parat që iu nënshtruan ishin edukatoret e një prej kopshteve në Tiranë pas indicies së epidemiologut të zonës për shpërthim të koronavirusit.
Kopshtet, shkollat, burgjet, shtëpi fëmijë, të moshuarish, qendra pritje janë të parat ku do të aplikohen testet e shpejta, dy javët në vijim.
Personat e tjerë të dyshuar duhet të plotësojnë disa kushte, që i ka treguar epidemiologu Rexhep Muja për ABC News.
“E gjithë popullata që kanë këtë klinikë , 1 deri në 5 ditët e para po ashtu edhe të sëmurët kronikë, po ashtu përfitojnë institucionet ku mendojmë se ka mundësi infektimi. Nga sot deri më 20 dhjetor do të jemi duke bërë përgatitje, më pas do të futet në rol mjeku i familjes”, u shpreh ai.
Testet e shpejta fillimisht do të aplikohen në Tiranë, vatrën kryesore të koronavirusit në Shqipëri rreth 10 mijë e 900 persona pozitiv dhe shtatë zona të nxehta të përhapjes së infeksionit.
Astiri, Lapraka, Kamza, Paskuqani, Kombinati, Ish Blloku dhe Fresku tregon epidemiologu Muja kanë numrin më të lartë të personave me koronavirus dhe për këtë ai ka një shpjegim.
“ Mesa duket atje nuk respektohen masat anti-covid. Më bën përshtypje sepse nuk shkon pa pasur 10 deri në 12 të sëmurë të tillë të dyshuar, kryesisht mosha 25-55 –vjeç janë më të prekura.
Aktualisht në të gjithë vendin numri i të infektuarve aktiv ka tejkaluar 20 mijë persona. Kryeson Tirana, Durrësi, Elbasani dhe Fieri.
