Për dy sezone me radhë, moderatorja Jonida Shehu na ka shoqëruar në ekran me emisionin e saj të darkës, “Soiree”.
Mirëpo, për shkak të emergjencës Covid-19, ndryshime të mëdha ndodhën në pragramacionin e televizioneve, ndërsa “Soiree” u mbyll.
Lajmi i mirë është se “Soiree” po rikthehet me sezonin e tretë, por kësaj here jo më në “Top Channel”. Këtë herë vjen në ABC News, si një dhuratë për festat e fundvitit.
Të shumtë ishin ata të njohur e të panjohur, që e kanë kërkuar këtë program dhe dëshira e tyre më në fund po realizohet. Fillimi i vitit 2021 sjellë një maratonë të vërtetë festive me Jonida Shehun. Në 1 dhe 2 janar, dy netë të mbushura me plot miq të ftuar, që festojnë ardhjen e Vitit të Ri.
Lajme ekskluzive, situata të pazakonta, rikthimi i personazheve që ju kanë munguar, por edhe ata më të përfolurit të momentit, shumë të njohur të të gjitha fushave, por nuk do të mungojë edhe muzika, nga e shpirtit që do të kënaqë të gjithë.
Jonida Shehu lë kështu “Radarin” për 1 dhe 2 janar të 2021, për të risjellë një program festiv për të gjithë familjet shqiptare.
Jonida ka ndarë lajmin e mirë edhe me ndjekësit në rrjetet sociale, ku ka publikuar një “promo” në të cilën ka marrë pjesë edhe e bija.
View this post on Instagram
