Dy mësuesit Donald Dervishi dhe Borsion Spaho që vendosën të rikonstruktonin shkollën në zonën e Vëndresh Mal, në Skrapar, kanë hasur pengesën nga Inspektoriati Shtetëror Shëndetësor në Berat.
Inspektorët i kanë ndaluar punimet me pretendimin se po pengonin zhvillimin e procesit mësimor në pjesën tjetër të shkollës.
Donald Dervishi ka reaguar i revoltuar në faqen e tij në Facebook, ku shkruan se Inspektorati Shtetëror nuk ka lidhje me punimet dhe se mësimi nuk është ndërprerë në asnjë moment.
REAGIMI I PLOTË:
Miq, ju kujtohet që ne, në bashkëpunim me Bashkinë Skrapar filluam të bënim disa rregullime të shkollës së fshatit Therepel për nevojat e vitit shkollor 2018-2019, e cila është shkollë vartëse e shkollës “Ferit Bregu” Vendreshe.
Ju kujtohet besoj.
ISHSH-ja Berat (INSPEKTORIATI SHTETEROR SHENDETESOR BERAT) na ka ardhur ditën e dytë të shkollës për kontroll dhe na paska gjetur me “gabime”, ku shprehimisht shkruan : “Në një pjesë të shkollës po kryehet mesim, në pjesën tjetër po bëhet rikontruksion i shkollës”.
Populli thotë: “Kur nuk bën mirë, keq pse bën?”
Se çfarë pune ka ISHSH-ja me punimet, ec e merre vesh…
KETE DINE TE BEJNE, ME DEMEK INSPEKTORET E ISHSH BERAT, POR QE I KEMI NGA SKRAPARI.
TURP T’JU VIJE, QE NUK ARRINI TE KUPTONI QE PUNIMET NE PJESEN E JASHTME TE SHKOLLES, NUK KANE PENGUAR VAZHDIMIN E PROCESIT MESIMOR!
Po nga një anë nuk keni faj, se me një ditë inspektim justifikoni rrogën për 6 (gjashtë) muaj…
