Reperi i njohur Kanye West, e ka bërë të qartë në intervista të shumta se nuk është i lumtur që ish-gruaja, Kim Kardashian, po lejon vajzën e tyre North, të postojë video në TikTok.
Pasi foli në më shumë se një herë për këtë rast, Kanye duket se nuk duroi më dhe postoi një foto të videos së fundit të North në llogarin e tij në Instagram.
“Meqë ky është divorci im i parë, duhet të di çfarë duhet të bëj që vajza imë është në TikTok kundër vullnetit tim?”- shkruan Kanye West.
Pjesa e komenteve të reperit është e mbushur me përgjigje që i thonë atij të flasë me Kim Kardashian.
Duke folur për ndryshimin në komunikim që ka pasur që nga ndarja e tij nga Kim, Kanye tha: “Nuk e dua vajzën time duke mbajtur buzëkuq në TikTok – ose të mos jetë fare në TikTok – nëse nuk jam aty për ta miratuar këtë.”
Ai gjithashtu pretendoi se prania e North në internet u bë pa e ditur ai në fillim.
Llogaria e North menaxhohet nga mamaja e saj e famshme, e cila shpesh shfaqet në video me vajzën e saj.
Fotoja e postuar nga Kanye këtë të premte është nga një video që North dhe Kim e kanë filmuar duke imituar një këngë.
Llogaria e tyre ka mbi 5 milionë ndjekës që kur dyshja nënë-bijë e filloi vitin e kaluar.
