Sot nisi viti i ri shkollor 2023-2024. Rreth 29 mijë nxënës u ulën sot për herë të parë në bankat e shkollës, ndërkohë që rreth 27 mijë nxënës janë regjistruar në klasën e 10-të.
Mirëpo, këto shifra janë më të ulëta se të një viti më parë duke sjellë kështu më pak nxënës në bankat e shkollës.
Në Lezhë u ulën një numër i vogël nxënësish krahasuar me një vit më parë. 519 nxënës janë regjistruar në klasat e para në shkollat publike, ndërsa tek privati 117 për rrethin Lezhë.
Edhe në Korçë ka 228 nxënës më pak se vitin e kaluar. Për herë të parë në bankat e shkollës për këtë vit janë ulur 1526 nxënës ndryshe nga viti i kaluar kur numri i tyre shkonte në 1754 nxënës.
Drejtoria Rajonale e Arsimit Parauniversitar e qarkut Korçë ka pranuar rënien e numrit të nxënësve duke u shprehur se janë mbyllur rreth 7 klasa të para në disa shkolla.
Edhe Elbasani, Vlora dhe Shkodra vuajnë të njëjtim problem, me uljen e numrit të nxënësve krahasuar me një vit më parë.
Në Elbasan numri i nxënësve është përgjysmuar. Në klasat e para këtë vit do të ulen 58 nxënës më pak, ndërsa në klasat e dhjeta 223 nxënës më pak se një vit më parë.
Shkaqet kryesore janë rënia e numrit të lindjeve, emigracioni, ndërsa për fshatra mbetet levizja drejt qyteteve.
Rënia e numrit të nxënësve do të sjellë edhe reduktim të orëve të mesuesve ku një pjesë e tyre mund të mbeten jashtë sistemit të punësimit në arsim.
Fatkeqësisht ulja e numrit të nxënësve nuk është i vetmi problem në sistemin e arsimit tonë.
Disa problematika të tjera që do të hasin nxënësit këtë vit janë edhe:
-Infrastruktura- institucionet nuk ofrojnë kushtet e përshtatshme për zhvillimin e orëve mësimore.
-Mungesa e laboratorëve dhe palestrës.
– Higjena vazhdon të mbetet një tjetër problem mjaft serioz dhe shqetësues.
– Rritja e barrës së prindërve për kostot e shkollimit të nxënësve.
Ndërsa flitet për tekste falas, e vërteta është krejt ndryshe. Ndërsa në arsimin fillor dhe në atë 9 vjeçar librat jepen falas ose dhurohen nga vitet paraardhëse, në arsimin e mesëm kosto e teksteve shkollore shkon nga 100-140 euro, pa mjetet ndihmëse.
-Transporti- Prindërit paguajnë transportin e fëmijëve që varion nga 3500-5000 lekë të reja në muaj.
Një tjetër problematikë serioze janë edhe planet, kurrikulat dhe mënyra e mësimmdhënies.
