Për më shumë se katër vite, paga prej 5 mijë të rinj për çdo bebe të lindur në harkun kohor 2011-2015 nuk i është kaluar familjeve, por që prej ditës së enjte kanë filluar të hidhen hedhur pagesat e prapambetura për lindjen e fëmijëve për më shumë se 70% të vogëlushëve në Tiranë.
Kryebashkiaku Veliaj u shpreh se do jepeshin pagesat nga vitit 2015 e mbrapa, duke bërë që fëmijët të cilët kishin lindur në harkun kohor 2011-2015 të mos merrnin shpërblimin.
Akti normativ
Ligji thotë se çdo fëmijë merr një pagesë prej 5 mijë lekë kur lind. Në vitet 2011-2015 kjo pagesë nuk është dhënë në Bashkinë e Tiranës, por edhe në disa bashki të tjera.
Lekët në llogarinë bankare
Të gjitha çiftet që kanë lindur fëmijë nga viti 2011-2015, në llogaritë bankare që kanë dorëzuar për të marrë shpërblimin për bebet, kanë 5 mijë lekë shtesë prej ditës së enjte. Shpërblimi është shpërndarë nga Thesari i Shtetit në llogaritë bankare të familjeve. Siç duket sot fëmijë që janë në moshën 5 apo 6 vjeç, do të marrin shpërblimin që u jep shteti dhe bashkia kur kanë lindur.
Pavarësisht se këta vogëlush janë gati për të shkuar në shkollë, vetëm sot do të arrijnë të marrin shpërblimin e lindjes. Gazeta u interesua pranë Bashkisë së Tiranës, e cila konfirmoi dhënien e shpërblimeve për pjesën më të madhe të njësisë administrative. Janë më shumë se 5 mijë fëmijë që kanë marrë tashmë shpërblimin e lindjes. Bashkia thekson se janë kryer pagesat për vogëlushët e lindur në vitit 2011-2015, ndërkohë që vijon procesi për pjesën tjetër, raporton Shqiptarja.com.
Shpërblimet
Shpërblimi i prapambetur për vogëlushët do të jepet në të gjithë vendin. Aktualisht janë bërë pagesat e prapambetura vetëm për fëmijët që kanë lindur në Tiranë, në vitet 2011-2015. Shpërblimi për fëmijët e tjerë do të vijojë edhe në fillim të muajit janar 2018. Në kryeqytet çdo fëmijë sapo lind merr një shpërblimi nga shteti prej 5 mijë lekë, por edhe nga Bashkia e Tiranës.
