Qytetarët e Shkodrës kanë dalë në protestë që prej mëngjesit. Një grup qytetarësh janë mbledhur në qendër të qytetit në tubim duke protestuar për vrasjen e Klodian Rashës. Me thirrjet “Rama Ik”, “qeveri e krimit” dhe “poshtë diktatura” qytetarët vijojnë protestën.
Grupi i qytetarëve shkodranë me thirrje dhe pankarta në duar kanë thyer xhamat e selisë së PS-së në kryeqendrën e veriut.
Sakaq, ata kanë djegur edhe disa tabela reklamash. Marshimi në Shkodër vijon në rrugët e qytetit, ndërsa policia nuk ka ndërhyrë deri tani.
Qytetarët nuk janë mjaftuar vetëm me dorëheqjen e Sandër Lleshajt nga posti i ministrit të Brendshëm, por kërkojnë edhe “kokën” e drejtorit të Policisë së Shtetit Ardi Veliu. Kryeministri Edi Rama the se diçka e tillë nuk do ndodhë.
E gjithë struktura nga Drejtoria e Policisë, te Shërbimi i Çështjeve të Brendshme dhe Ankesave deri tek Forcat Shqiponja, të gjithë drejtuesit duhet të largohen.
Konkretisht, “iconstyle.al”, duke iu bashkuar nismës së protestuesve dhe kërkesës së tyre, kërkon largimin e :
-Muhamet Rrumbullaku, drejtor i SHÇBA, që manipuloi hetimin.
-Ardi Veliu, drejtori i Policisë së Shtetit.
-Gjovalin Loka, drejtori i Departamentit për Sigurinë Publike, mban përgjegjësi për dhunën ndaj protestuesve.
-Rebani Jaupaj, drejtor i Policisë Tiranë duhet të mbajë përgjegjësi pse policia ishte pa kamera në trup natën e ekzekutimit të Klodianit.
