IKMT ka nisur aksionin për prishjen e banesave në zonën e “Astirit”, për t’i hapur rrugë ndërtimit të aksit të Unazës së Re.
Banorët të cilët e kanë kaluar natën jashtë, nisën të qëllojnë me gurë drejt forcave të Policisë, të pranishme në vendngjarje.
Policia e Shtetit ka përdorur edhe gaz lotsjellës, ndërsa ka shoqëruar 10 protestues, mes tyre edhe aktivistin Ervin Goci.
Të lënduar kanë mbetur 4 punonjës policie dhe 6 banorë të cilët janë dërguar për të marrë ndihmën e nevojshme mjekësore.
Sipas vendimit të qeverisë që doli në prill, gjithsej janë 146 pasuri që do të shpronësohen me një kosto totale prej afro 10 milionë euro.
Deri tani 25 familje kanë marrë dëmshpërblimin e shpronësisë.
