Nisi mbrëmjen e kësaj të mërkure nata e parë e gjysmëfinales së festivalit “Kënga Magjike”. Ndërsa pritet që 11 konkurrentë të performojnë në skenën gjigande në Pallatin e Kongreseve, kuriozë ishim fillimisht për veshjen e dy prezantueseve.
Ashtu siç ishte njoftuar edhe më parë, Bora Zemani dhe Klaudia Pepa do të prezantojnë të tre netët krah moderatorit të njohur shqiptar Ardit Gjebrea.
Dhe çfarë veshën dy të famshmet shqiptare për natën e parë?
Bora dhe Klaudia zgjodhën veshje shumë të ndryshme. Moderatorja e emisioneve sportive u shfaq me një fustan shumë elegant të bardhë me detajet e gurëve dhe teminave, si dhe detajin e të çarës.
Nga ana tjetër balerina Klaudia Pepa zgjodhi një fustan-pantallona ngjyrë blu, me detajin e dantellës.
Kush ju pëlqen më shumë?
