Një 26-vjeçar është shoqëruar nga Policia e Shtetit pasi dhunoi një grua në oborrin e QSUT-së.
I riu në fjalë është nipi i deputetit të Partisë Socialiste, Rrahman Rraja, i cili është shoqëruar në polici, pasi dhunoi një grua në datë 31 korrik në orën 07:30 minuta në QSUT.
“Report tv” bën me dije se është pezulluar edhe efektivja e policisë që ishte e pranishme në momentin që i riu rrahu gruan. Ajo nuk kishte ndërhyrë në momentin që Rraja dhunoi gruan në oborrin e QSUT-së.
Por përse ndodhi sherri?
I riu është shprehur në komisariat se gruaja i kishte kërkuar që ta dërgonte në qendër me makinë, por ai nuk kishte pranuar.
Pasi e kishte refuzuar ajo kishte qëlluar makinën me shkelma dhe ai më pas e kishte dhunuar.
Në pamje duket momenti kur i riu pasi ka zbritur nga makina e ka kapur për flokësh dhe e ka goditur me shkelma gruan.
