“Nike” ka njoftuar se do të bëjë një dalje të plotë nga Rusia, vetëm tre muaj pas pezullimit të operacioneve të saj pas pushtimit të Ukrainës në shkurt. Kompania kishte ndërprerë porositë online dhe njëkohësisht mbylli të gjitha dyqanet e saj në të gjithë vendin në mars duke lënë mundësinë për rikthim akoma. Por një deklaratë e re deklaron se kompania ka vendosur të heqë dorë tërësisht nga të bërit biznes me Rusinë.
“Nike ka marrë vendimin të largohet nga tregu rus. Prioriteti ynë është të sigurohemi që po i mbështesim plotësisht punonjësit tanë, ndërkohë që reduktojmë me përgjegjësi operacionet tona gjatë muajve të ardhshëm, “tha Nike në një deklaratë të dërguar me email, për Reuters. Vendimi i tyre vjen vetëm disa javë pasi McDonald’s po dilte përgjithmonë nga Rusia për shkak të pushtimit të Ukrainës, dhe “Starbucks” të njoftonte se po ndiqnin shembullin, duke mbyllur 130 nga dyqanet e saj në mbarë vendin.
Dyqanet e drejtuara nga partnerët lokalë të veshjeve sportive kishin vazhduar të shesin produkte të markës Nike, por duke qenë se firma tani ka njoftuar se po ndërpret plotësisht marrëdhëniet e saj të biznesit me Rusinë, besohet se këto dyqane do të duhet të ndalojnë shitjen e çdo artikulli. Nuk mund të mohohet se Rusia është bërë gjithnjë e më e izoluar ekonomikisht në muajt e fundit, pasi më shumë kompani po zgjedhin të ndalojnë së bëri biznes. Rusia tani thuhet se po punon për legjislacionin që mund të ndëshkojë kompanitë e huaja si “Nike” që kërkojnë të largohen, gjë që do të lejonte qeverinë të konfiskojë asetet e tyre dhe të vendosë gjoba.
