Kanë filluar xhirimet për filmin me metrazh të shkurtër “Anija”. Realizimi kinematografik është financuar pikërisht nga Qendra Kombëtare e Kinematografisë, me skenar dhe regji të Benart Laze.
Pavarësisht faktit se bëhet fjalë për një film me metrazh të shkurtër, duket se vëmendja për të është maksimale për shkak edhe të kastit mjaft të njohur të aktorëve. Emrat më të mëdhenj janë padyshim Nik Xhelilaj, i cili është rikthyer në Shqipëri për këtë film dhe Bruno Shllaku, ndërsa nuk mbetet pas Ermir Jonka, aktor premtues në Teatrin Kombëtar.
Moderatori i “Geek Room” u bë i njohur nga shfaqja “Equus”, e shfaqur një muaj më parë, ndërsa nuk është hera e parë që aktron në një film me metrazh të shkurtër. /INtv/
