Plakja është një nga fobitë e shumë personave, ndërsa lufta me moshën është një betejë , që të gjithë femrat do të donin ta fitonin. Të famshmit mbeten disa nga idhujt tanë, për mënyrën se si arrijnë të jenë gjithmonë në formën perfekte.
50-vjeçarja Nicole Kidman mbetet një prej tyre! Aktorja australiane tregon shumë vite më pak se mosha e saj. Por, çfarë bën Nicole për të patur një fizik të tillë?!
Ylli i “Hollywood”-it zbuloi një sekret të vogël , përsa i përket pulpave të këmbëve, të cilat janë një pjesë shumë e rëndësishme e këmbës së një femre.
“Unë përdor shumë biçikletën, bëj joga dhe këto i bëj kudo që jam nëpër botë. Gjithashtu përsa i përket biçikletës, përdor shpesh metodën e shpejtësisë, domethënë e ngas shumë shpejt, për të forcuar muskujt e këmbëve”, është shprehur Kidman.
Një tjetër sekret që ka zbuluar Kidman, për të patur pulpa të bukura dhe të tonifikuara, është edhe ky ushtrim:
Ngrini thembrat tuaja, duke u mbajtur tek një karrige, rrini njësoj sikur jeni mbi taka për rreth dy sekonda dhe më pas prekni thembrën në tokë. Kur kryeni këtë veprim, duhet ta ndieni që muskujt e pulpës së këmbës, vihen në lëvizje. Përsëriteni këtë ushtrim 15 herë.
Burimi: Harper’s Bazaar
