Nick Jonas dhe Priyanka Chopra kanë qenë shumë të hapur me fansat lidhur me martesën e tyre në Indi. Në një intervistë për “Vogue”, që u publikua dje, çifti zbuloi më shumë detaje lidhur me fejesën. Dhe që ta merrni të gjithë vesh, Nick u ul në gjunjë, jo një, por dy herë!
Këngëtari kujton se herën e parë u ul në gjunjë gjatë festës së “Vanity Fair” te Oscar, vitin e kaluar.
“E vendosa poshtë gotën, u ula në njërin gju, kjo ndodhi para shumë njerëzve, dhe i thash, ‘Ti je e vërtetë. Ku ke qenë gjithë jetën time?’. Por me zë të lartë”, thotë Nick.
Pas tre takimeve Nick i tha nënës së Priyanka-s se do ta propozonte. Këngëtari e bëri këtë gjë në ditëlindjen e aktores në Kretë dhe priti deri në mesnatë, që Priyanka të mos e kishte përvjetorin dhe ditëlindjen në të njëjtën ditë:
“U ula në njërin gju sërish dhe i thash: ‘A do të më bësh mashkullin më të lumtur në botë dhe të martohesh me mua?’. Ajo tha ‘jo’. Bëj shaka, ajo qëndroi e heshtur për 45 sekonda”.
Priyanka Chopra mbeti pa fjalë, ndërsa Nick kishte vazhduar:
“Do ta vendos këtë unazë në gishtin tënd tani, vetëm nëse ke ndonjë kundërshtim”.
Ajo mesa duket nuk kishte asnjë kundërshtim. Dyshja do të martohet në fillim të dhjetorit, ndërsa kanë nisur festat dhe përgatitjet e ditës së madhe.
Burimi: MarieClaire
