Almeda Abazi është befasuar nga surpriza e ditëlindjes që i organizoi sot bashkëshorti Tolgahan.
Nëpërmjet një serie postimesh në Instagram të balerinës Isida Mollaymeri, vumë re se Almeda nuk e priste aspak të shihte njerëzit e saj të dashur të mbledhur bashkë.
Nga shoqëria shqiptare te miqtë turq, Tolga i kishte mbledhur të gjithë sot për të festuar me gjysmën e tij.
Befasia e madhe e Almedës kur pa të pranishmit bëri që të ngrinte për një moment, aq sa Tolga iu afrua për t’i prekur barkun dhe për ta qetësuar duke qenë se ajo është në javët e fundit të shtatzënisë.
Pasi i kënduan këngën e ditëlindjes në shqip, “Shumë urime për ty”, dhe u qetësua, Almeda nisi të bënte selfie me të pranishmit.
Modelja bukuroshe Almeda Abazi feston sot 27-vjetorin e lindjes dhe më herët mori edhe një dedikim për ditëlindje nga partneri Tolgahan Sayışman.
Aktori i famshëm turk postoi një foto të Almedës, ndërkohë një pjesë të urimit e bëri në gjuhën turke, ndërsa togfjalëshin e ëmbël “Të dua shumë”, e shkruajti në gjuhën shqipe:
“Gëzuar ditëlindjen më e bukura e botës. E kalofsh pjesën tjetër të jetës si bukuria e zemrës tënde. Të dua shumë!”
