Natyrale ёshtё ajo qё kёshillojnё make-up artistёt mё tё mirё. Tё dish tё bёsh make up natyral nuk mendoj se ёshtё dhe shumё e vёshtirё, sidomos paraditeve kur jemi nё punё, shkollё apo dhe pёr kafenë e mёngjesit.
Duhet tё dukemi gjithmonё tё pastra dhe siç mё pёlqen t’u them modeleve…”Fresh & Clean”.
Zakonisht harxhojmё shumё kohё me make up-in dhe flokёt. Nёse produktet tona nuk janё tё mira duhet t’i aplikojmё disa herё, derisa tё dukemi ashtu siç duam. Le tё pёrdorim produkte cilësore dhe të kursejmё kohёn tonё.
“Icon” sugjeron kёto ngjyra pёr make up-in tuaj tё pёrditshëm për nё mёngjes dhe pёr darkё.
Pas njё rutine mёngjesi duhet tё dilni pёr tё filluar ditёn tuaj. Kёshillojmё tё përdorni sa mё pak make up, sidomos me kёtё smogun e Tiranёs ku lёkura nuk po merr dot mё frymё. Sigurisht fondatina duhet tё pёrshtatet me llojin dhe problematikat e fytyrёs tuaj. Sytё e fryrё, rrathёt e zinj apo aknet nuk janё tё kёndshme, por duhet tё dukemi gjithmonё natyrale. Këtu hyn në punë njё make up i hollё me bazё uji, pak ruzh, vetullat plotёsojini dhe mos i vizatoni, rimel dhe sigurisht shkёlqyes apo buzёkuq nё varёsi tё veshjes dhe programit tuaj ditor. Me njё pamje tё tillё do tё dukeni shumё tё freskёta dhe gati pёr tё filluar ditёn.
Flokёt janё korniza e bukurisё
Jemi pёrsёri vetёm tek natyralja… Marc Jacobs thotё: “Wash and Go”. Mundohuni t’i trajtoni sa mё mirё. Pёrdorni maska, vajra bimore dhe prijini një herё nё tre muaj. E rëndёsishme kjo, pasi flokёt rriten më mirë edhe nuk dёmtohen. Gjatë kësaj periudhe hiqni majat e dyfishta dhe ruani gjatёsinё nёse ёshtё kjo ajo qё ka rёndёsi. Modelet “trend” tё flokёve janё tё shkurtra me ngjyra sa mё afёr natyrales tuaj.
Trajtimi i trupit
Jeni bёrё gati pёr tё veshur xhaketa, fustane e funde mё tё holla? Duhet ta dini se ka shumё punё pёrpara se tё ekspozoni mё tepër nga lëkura juaj.
Duhet tё dini se lёkura vuan po aq sa edhe nё verё. I ftohti jashtё, i ngrohti nё ambjentet e brendshme dhe veshjet e shumta ndikojnё nё tharjen e lёkurёs. Qeliza tё vdekura, qarkullim i pakёt i gjakut dhe ushqim jo i rregullut, bёjnё njё lёkurё jo tё shёndetshme. Duhet tё pёrdorni njё furçё tё butё dhe filloni tё fёrkoni trupin nga thembrat pёr tё stimuluar qarkullimin e gjakut dhe fundet e nervave, pastaj punoni me kёmbёt para dhe pas. Disa minuta nё ditё pёr tё marrё me tё mira veten dhe pёr njё lёkurё tё butё dhe tё shndёritshme do ju bёjë tё ndjeheni në formë. Tregohuni tё kujdesshme tё mos irritoni lёkurёn! Pёrdorni gjithmonё kremëra zbutёs pas dushit. Zgjidhini kremёrat jo vetёm nga era e mirё e cila ёshtё e rёndёsishme, por nga edhe për atë çka përfitoni. Kushtojini vёmendje pjesёve qё duken mё shumё, si duart dhe krahёt. Ju sugjerojmё disa kremёra pёr trupin, por dhe ngjyra pёr thonjtё tuaj.
*Publikuar në revistën “ICON” nr. 2
