Shumë nga konkurrentet e “Miss Universe” kanë një ngjashmëri të veçantë me njëra-tjetrën! Një video publikuar lidhur me konkursin e bukurisë krahason fotot mes konkurrenteve.
Camila Barraza, vajza nga Argjentina, e cila u zgjodh “Miss Kosova”, përngjan shumë me një tjetër konkurrente në “Miss Universe”.
Në video tregohet ngjashmëria e saj me Andrea Tovar, vajzën përfaqësuese nga Kolumbia. Dyshja duket se përngjajnë shumë, ndoshta për shkak të prejardhjes dhe veçorive të femrave nga bota latine.
Mes krahasimeve është edhe Lindita Idrizi, vajza që fitoi “Miss Albania”, e cila duket se ka një ngjasim me “Miss Aruba”, Charlene Leslie. Ndoshta kjo ngjashmëri lidhet me flokët kaçurrela të dy bukurosheve.
Analiza e bërë në këtë video tregon se një numër i madh vajzash në garën “Miss Universe” kanë bukuri të përafërt, gjë e cila bën që edhe konkurrenca të jetë më e fortë.
Ende nuk dihet data e saktë e mbajtjes së “Miss Universe”. 72 shtete kanë zgjedhur përfaqësueset e tyre, ndërsa gara e bukurisë mbahet në Filipine.
