Në familjen e Adelina Tahirit, sot është një ditë shumë e veçantë pasi nëna e saj feston ditëlindjen! Ndryshe nga vitet e kaluara, gëzimi është dyfishuar pasi festojnë edhe me Jonin e vogël, i cili ka ndriçuar jetën e të gjithë familjes. Këngëtarja ka publikuar një foto të së ëmës dhe të atit në profilin e saj në “Instagram”, teksa përkëdhelin djalin e saj. Krahas fotos, Adelina falenderon të ëmën që është kujdesur për të në çdo moment dhe i uron ditëlindjen.
“Mami e dashur! Çfarëdo që të them do ishte shumë e vogël, çdo urim i imi do ishte asgjë me atë ç’ka ndjej dhe me atë çfarë meriton ti, dua të jetosh sa malet, të jesh e lumtur gjithmonë, do doja në jetë të jem të paktën 30% një nënë si ty! Ti më mësove të dua, të respektoj dhe të vlerësoj ! Faleminderit që egziston. Të do vajza jote Adelina!”- shkruan këngëtarja.
Përmes fotos, kuptuam edhe se Adelina Tahiri është kopje e së ëmës! Duket se të gjitha genet e bukurisë, këngëtarja i ka trashëguar nga e ëma.
