Izraeli vijon sulmet ndaj bazave ushtarake dhe bërthamore të Iranit. Mediat raportojnë se Izraeli ka goditur objektin bërthamor të fortifikuar të Fordoë. Shpërthime janë dëgjuar në disa zona të ndryshme të kryeqytetit Teheran, si edhe një qytet pranë tij, Karaj.
Zhvillimet e fundit:
-Teherani lëshoi të paktën 100 raketa balistike drejt Izraelit. Shpërthime në Tel Aviv dhe Jerusalem. Më parë, Izraeli kishte goditur impiantin bërthamor në Isfahan.
-Vladimir Putin ofroi të ndërmjetësojë midis Izraelit dhe Iranit
-SHBA-të po zhvendosin anije dhe trupa në Lindjen e Mesme, nga frika e hakmarrjes së Teheranit kundër Izraelit, sipas deklaratave të zyrtarëve për AP. Në të njëjtën kohë, Irani kërcënon me “ferr”.
-IDF njoftoi se sulmoi objektet bërthamore dhe raportoi se kreu i Gardës Revolucionare, Hossein Salami, dhe oficerë të tjerë iranianë u vranë.
-Benjamin Netanyahu zbuloi se para sulmit ndaj Iranit, Izraeli kishte informuar SHBA-në.
-Presidenti i SHBA-së Donald Trump i kërkoi Iranit të bënte një marrëveshje për programin e tij bërthamor, duke paralajmëruar për sulme “edhe më brutale” izraelite. Teherani akuzon SHBA-në se mbështet sulmet e Izraelit, gjë që SHBA-të e kanë mohuar.
