Eriola Dulaj, është nënë e 5 fëmijëve dhe viktimë e dhunës nga bashkëshorti.
Më 14 mars, ajo ka përjetuar një histori horror e cila të rrëqeth mishin kur e dëgjon.
Për “Ballkanweb” ajo ka treguar se bashkëshorti i saj e ka dhunuar në mënyrë barbare me lopatë dhe më pas e ka mbuluar me gurë.
Tashmë, 38-vjeçarja ndodhet në Spitalin e Traumës në Tiranë dhe sapo ka dalë nga gjendja e komës.
Ngjarja e rëndë ka ndodhur në fshatin Moglicë të bashkisë së Maliqit.
“Rreth orës 14:00 më tha “eja të shkojmë në fushë për të mbjellë patate”. Për të shkuar në arën tonë duhet të kalojmë nëpërmjet pyllit të fshatit. Në pyll fillimisht më dhunoi me lopatë. Më ka qëlluar në kokë e në trup. Një nipi i tij më ka gjetur të mbuluar me gurë. Pasi më qëlloi për të vrarë, më mbuloi me gurë që të mos më gjente njeri. Mendoi se vdiqa, por paskam patur jetën e gjatë për vajzat”, tha mes lotësh 38-vjecarja.
Vajzën në të vogël ajo e ka ende në gji dhe e kërkon vazhdimisht për t’i qëndruar pranë.
