Në vilën e Admir Muratajt i cili mbeti i vdekur pas grabitjes në aeroportin e Rinasit, policia ka gjetur disa të dhëna të tjera që tregojnë se ai po përgatitej për grabitjen.
Në dhomën e ndenjes së vilës që ndodhet në Fushë-Prezë, efektivët gjetën CD me filma të njohur për grabitjen e bankave, raporton “Newsbomb”.
Mes tyre ishte edhe më i famshmi “Point break” që tregon historinë e disa grabitësve bankash në Kaliforninë Jugore.
Gjithashtu Prokuroria e Krimeve të Rënda ka kërkuar të administrojë hyrje-daljet e familjarëve të Admir Murataj në Kosovë, pasi dyshohet se gjatë arratisë 47-vjeçari është fshehur atje.
Sipas të dhënave nga policia njëri prej grabitësve dyshohet të jetë një ish-komando. Një gjë e tillë është vërejtur nga lëvizjet e këtij të fundit, mjaft profesioniste.
Admir Murataj u vra gjatë shkëmbimit të zjarrit me Forcat e Ndërhyrjes së Shpejtë.
