I fejuari i këngëtares Elvana Gjata, Ervin Mata, është një nga personat e përfshirë në ngjarjen e ndodhur më 4 tetor të këtij viti në ish-Bllok, ku mbeti i vrarë Fabiol Gaxha.
Duket se historia në të cilën ajo u përfshi nga mediat ka pasur ndikim negativ lidhur me fansat e saj.
Sipas “Intv” numri i ndjekësve në “Instagram” ka ndryshuar, nga mbi 1 milion e 200 mijë ndjekës, që ajo kishte pak muaj më parë. Ndërsa “iconstyle.al” tregon numrin e saktë të ndjekësve që ajo ka tani: rreth 1 milion e 198 mijë ndjekës. Nga të dhënat Elvana ka të paktën 2.000 ndjekës më pak në këto dy muaj.
Pavarësisht se vetëm pak javë pas ngjarjes në ish-Bllok, Elvana bëri një tentativë për të tërhequr vëmendjen e fansave drejt talentit të saj në muzikë.
Më 18 tetor ajo publikoi këngën e fundit “Shade”, në bashkëpunbim me Poo Bear. Por as kjo nuk largoi vëmendjen e fansave nga ngjarja, pasi shumë prej ndjekëvse nisën të bënin komente negative në postimet e “Instagram”-it të saj.
Elvana Gjata vendosi që të shkëputej nga rrjetet sociale dhe ndoshta ky ishte një tjetër veprim që nuk u prit mirë nga ndjekësit. Madje për një ditë ajo vendosi që të hiqte profilin e saj në “Instagram”, për t’u rikthyer sërish të nesërmen pasi ky vendim i saj pushtoi lajmet e mediave online.
Burimi: Instagram
