Familja Dalipi nga Gjirokastra denoncoi sot përpara kamerave, se vajza tyre Aleksandra Dalipi 17 vjeç, ishte rrëmbyer dy herë brenda tetë muajve, ndërkohë që policia nuk ka vepruar për ta rikthyer në banesë. I ati i vajzës Skëndër Dalipi, akuzon burrin e motrës Shpëtim Muharremi, i cili ka dy gra, se i ka rrëmbyer të bijën.
https://www.facebook.com/balkanwebCOM/videos/1763552043693745/
“Ka tetë muaj, erdhi ai burri i motrës, me gruan tjetër në shtëpinë time. Një ditë më pas e morën çupën e futën në makinë e çuan në Levan. E mora para dy muajsh, e solla në shtëpi vajzën me polici. Para dy muajsh, na mori prapë vajzën në Sarandë, e mori tek rruga. Shkova e denoncova në Policinë e Sarandës. Tani u kap Shpëtimi, është këtu në Gjirokastër. Vajza në Levan. Burri i motrës ka dy gra, kam frikë mos e ka marrë për rrugë vajzën. Ai Muharremi ma mori vajzën për ta martuar me djalin e tij budalla, i cili është i metë nga mendja dhe merr lekë nga bashkia. ” – tregon babai i adoleshentes Skënder Dalipi.
Sakaq, nëna e vajzës kërkon që vajzën t’ia rikthejnë në shtëpi, pasi e tërhoqën me forcë nga aty.
“E mori me pahir ai, tani e mori prapë. Çfarë të bëjmë ne, kur policia nuk merr masë. Do ta sjellin tani thanë, ata nuk e sjellin, na gënjen policia.” – tregoi ajo.
Mirëpo, vajza 17-vjeçare , për të cilën prindërit shprehen se është rrëmbyer tregon një version krejtësisht tjetër. Aleksandra Dalipi, e cila nuk e di shumë mirë gjuhën shqipe pasi flet gjuhën e komunitetit rom, tregon se është pranë burrit që ajo dashuron, pasi familja e fejoi me zor në Sarandë dhe e detyroi të abortonte.
https://www.facebook.com/balkanwebCOM/videos/1763692607013022/
“Jo, nuk më kanë rrëmbyer. Mora Edin, erdha tek burri. Prindërit më kanë kërkuar. Por nuk doja të kthehesha sepse mora burrin. Do qëndroj tek ai, dua të rri me Edin. Babai më martoi me zor me një burrë tjetër, më çoi në Sarandë, ai më hoqi fëmijën. S’dua të flas me babain, as nuk dua të iki” – tregoi 17-vjeçarja për “News 24”.
Shpëtim Muharremi, ka deklaruar se vajzën e ka marrë si nuse, por për të birin. 40-vjeçari pritet të gjykohet nga Gjykata e Gjirokastrës.
