Një gabim i patolerueshëm ishte mbrëmë ai i Francës, në ndeshjen me Shqipërinë, ku pati një ngatërresë të himnit tonë kombëtar.
Sfida Francë-Shqipëri nisi me probleme pasi organizatorët nuk e kishin gati “Himnin e Flamurit” duke luajtur himnin e Andorrës. Sikur të mos mjaftonte ngatërresa, organizatorët i kërkuan falje “Armenisë” dhe jo Shqipërisë.
Përballë kësaj gafe, Presidenti Macron ka vlerësuar reagimin e lojtarëve shqiptarë dhe ka thënë se e konsideronte të nevojshme, shprehjen e një ndjese të sinqertë.
Kryeministri Rama e ka çmuar gjestin e Presidentit të Francës, duke e falënderuar atë për mesazhin e tij të ndjesës, pavarësisht se gafa e papranueshme është bërë nga Federata Franceze e Futbollit.
Lojëtarët shqiptarë u treguan këmbëngulës deri në dëgjimin e himnit kombëtar, para se të fillonin lojën ku pësuan një humbje të madhe, 4-1.
