Këngëtari skocez Lewis Capaldi është bërë pjesë e një momenti viral në rrjetet sociale, pasi u ngatërrua gabimisht me pilotin e Formula 1 Lewis Hamilton në një postim që po qarkullon nga Coachella.
Gjithçka nisi kur një video e Kim Kardashian në festival, ku ajo shihej pranë Hamiltonit, u publikua në rrjetin social X. Në përshkrim, megjithatë, personi që e shpërndau postimin shkroi gabimisht se në video ishte Lewis Capaldi, duke shkaktuar konfuzion dhe shumë reagime humoristike nga përdoruesit.
Postimi u përhap me shpejtësi, duke marrë miliona shikime dhe duke u kthyer në një nga momentet më të komentuara të ditës në rrjet. Shumë përdorues filluan të bëjnë shaka me idenë e një “romance” mes Kim Kardashian dhe Lewis Capaldit, duke publikuar edhe montazhe dhe komente ironike.
Vetë Capaldi reagoi më pas me stilin e tij karakteristik, duke e rishpërndarë postimin dhe duke shkruar me humor: “Wow, njerëz, vërtet nuk është në rregull që kështu të na shkelni privatësinë”, duke e kthyer situatën në batutë.
Guys it was a typo 😭 I accidentally promoted Lewis Hamilton* to Louis Capaldi 😆
— Distinct Post. (@DistinctPost) April 12, 2026
Ndërsa disa përdorues nuk e kuptuan menjëherë ironinë, këngëtari iu përgjigj me sarkazëm komenteve që e merrnin seriozisht situatën, duke treguar edhe një herë natyrën e tij të drejtpërdrejtë dhe humoristike.
Edhe profili që nisi gabimin pranoi se bëhej fjalë për një ngatërresë në shkrim, duke sqaruar se gjithçka ishte thjesht një lapsus që u kthye në viral global.
