Këngëtari shqiptar Seven Saraqi ka rrëfyer një incident të këndshëm që ndodhi gjatë vizitës së tij në SHBA.
I ftuar në emisionin “Prive”, ai ka rrëfyer një histori për të cilën asnjë prej nesh nuk ka qenë në dijeni.
“Unë bashkë me tre miq të mi kemi shkuar të takojmë një shok në “Trump Tower”. Ai banonte në katin e 54 por ne e ngatërruam katin duke u ngjitur në katin e 55 ku ishte shtëpia e Melania Trump. Kemi hapur derën dhe na ka dalë bashkëshortja e Trump bashke me sigurimin të cilët shkaktuan një rrëmujë derisa u sqarua ngjarja”, ka rrëfyer Saraqi.
Ka nga ato që e kanë me shumë qejf të takojnë nga afër Zonjën e Parë të SHBA-së por ndodh edhe që të ngatërrosh katin dhe ta takosh shumë rastësisht.
