Një i ri është arrestuar në Fier dhe tre të tjerë po procedohen në gjendje të lirë.
Sektori për Hetimin e Krimeve Kompjuterike në Policinë e Shtetit, ka vënë në pranga një 26-vjeçar, i cili akuzohet për pornografi me fëmijë të mitur.
Sipas Policisë, tre personat e dyshuar ngacmonin dy fëmijë të mitur 9 dhe 12 vjeç në Amerikë.
Nga adresat e Facebook-ut, që i përkisnin të arrestuarit, janë dërguar mesazhe me përmbajtje imazhesh të turpshme dhe të shfrytëzimit të fëmijëve të mitur.
Aktualisht po punohet për identifikimin e personave të tjerë të përfshirë në këtë veprimtari.
