Policia e Fierit ka arrestuar ditën e sotme një 51-vjeçar pasi dyshohet se ka ngacmuar seksualisht një 15-vjeçare.
Në njoftimin e policisë thuhet se në pranga ka rënë shtetasi me iniciale A. K., banues në Fier. Mësohet se vajza e mitur dhe autori i dyshuar i ngacmimit janë fqinj me njeri-tjetrin. Ngjarja e rëndë ka ndodhur në lagjen “Afrim” të qytetit.
Ndërkohë Policia bën të ditur se materialet i kaluan Prokurorisë, për veprime të mëtejshme procedurale.
Njoftimi i policisë
Specialistët për Hetimin e Krimeve në Komisariatin e Policisë Fier, arrestuan në flagrancë shtetasin A. K., 51 vjeç, banues në Fier, pasi dyshohet se ka ngacmuar seksualisht një shtetase 15 vjeçe. Materialet i kaluan Prokurorisë, për veprime të mëtejshme procedurale. /GazetaReforma.com/
