Inspektori i policisë në Malësinë e Madhe, Berhan Bajrakurti ka pranuar në dëshminë e tij dhënë për uniformat blu, se videoja me përmbajtje seksuale është e tija.
Pas arrestimit nën akuzën e ngacmimit seksual të një 15-vjeçareje, inspektori ka pranuar autorësinë e videos por u shpreh se nuk ishte për vajzën.
“Videoja është e imja, por nuk ka lidhje me ngacmimin për të miturën. Kam qenë duke komunikuar me një tjetër person që kam një lidhje”, është shprehur Bajrakurti.
Menjëherë pas denoncimit në media nga nëna e vajzës, shefi i policisë i cili është i martuar dhe me fëmijë, është vënë në pranga nga policia e Shkodrës.
Që prej ditës së djeshme,Policia e Shtetit është vënë në kërkim të denoncuesit i cili sipas tyre nuk gjendet.
Në denoncimin dërguar medias, nëna e 15-vjeçaresh shprehej se do të largohej nga Shqipëria pas këtij skandali:
“Dua të denoncoj këtë shtet të kapur nga perversiteti e imoraliteti që po na detyron të ikim nga ky vend, marrë shkas nga ngjarjet e fundit që kanë ndodhur, ku janë përdhunuar vajza minorene”.
Nëna e vajzës ka thënë se ngacmimi i policit nuk ka qenë vetëm përmes videove me përmbajtje seksuale por ai e ka marrë në makinë vajzën, e ka telefonuar e madje ka kryer akte të turpshme në bisedat me të në telefon.
