Olsi Bylyku dhe Egli Tako janë një ndër çiftet më të komentuara të showbizit.
Egli Tako, ka realizuar së fundmi një Q&A në Instagram, ku dhe ka zbuluar shumë prej pyetjeve të ndjekësve për jetën e saj personale.
Të shtyrë nga postimet dhe daljet e pakta të saj me Olsin kohëve të fundit, një ndjekës e ka pyetur nëse ka ndodhur ndonjë zënkë mes saj dhe Olsit.
Përgjigjja e Eglit ishte e shkurtër dhe e saktë duke mos dhënë shpjegime të tjera.
“A je zënë me Olsin”, e ka pyetur fansi.
“Jo”, i është përgjigjur Egli.
Kureshtja e fansave është e madhe pasi dikush e ka pyetur pse nuk del më me Olsin.
“Pse nuk po ju shohim me Olsin?”, ka shkruar ndjekësi.
Egli ka treguar se e gjitha vjen si pasojë e angazhimeve të shumta që ka Olsi.
“Olsi po xhiron filmin e tij të ri, punë kolosale. Ndaj nuk po kalojmë shumë kohë bashkë. Faleminderit që interesoheni,”-ka shkruar Egli me pak ironi.
Më herët ata kanë folur për marrëdhënien e tyre dhe kanë treguar për fillimet e tyre.
Egli si fillim tregoi se ka qenë fanse e Olsit, me rolet e tij në “Portokalli”, e sidomos me rolin si “Kimikati”.
Olsi nga ana tjetër u shpreh se ka patur shumë interes për ta njohur Eglin por tha me shaka se i është dashur tetë muaj për ta bërë për vete.
“Mendojnë se ne që jemi të famshëm, na kthejnë përgjigje direkt gocat. Kam ndenjur tetë muaj. Çfarë ka kaluar ky shpirt”- u shpreh Olsi.
