Farat chia janë kthyer në një nga ushqimet më të rekomanduara për një stil jetese të shëndetshëm. Të vogla në përmasa, por shumë të pasura në vlera ushqyese, ato përmbajnë fibra, proteina, minerale të rëndësishme dhe acide yndyrore omega-3 dhe omega-6, të cilat kanë ndikim pozitiv në organizëm.
Një nga përfitimet kryesore lidhet me shëndetin e zemrës. Konsumimi i farave chia mund të ndihmojë në rregullimin e kolesterolit, duke ulur nivelin e LDL (“kolesterolit të keq”) dhe duke rritur HDL (“kolesterolin e mirë”). Përveç kësaj, magnezi ndihmon në funksionimin normal të enëve të gjakut, ndërsa acidet yndyrore omega-3 kontribuojnë në uljen e inflamacionit.
Farat chia janë gjithashtu të dobishme për personat që vuajnë nga diabeti i tipit 2. Përmbajtja e lartë e fibrave ndihmon në stabilizimin e nivelit të sheqerit në gjak, duke shmangur rritjet e menjëhershme pas vakteve dhe duke përmirësuar reagimin ndaj insulinës.
Një tjetër problem që ato ndihmojnë të lehtësohet është kapsllëku. Falë fibrave të patretshme, farat chia rrisin vëllimin e jashtëqitjes dhe ndihmojnë në funksionimin më të rregullt të zorrëve.
Po ashtu, përbërësit si zinku, magnezi dhe acidi alfa-linolenik kanë efekt anti-inflamator, duke ndihmuar në lehtësimin e simptomave të artritit inflamator.
Në fund, farat chia kontribuojnë edhe në shëndetin e sistemit tretës, duke ushqyer bakteret e mira të zorrëve dhe duke përmirësuar procesin e tretjes.
