Nga nesër do të mund të bëjmë pazar në disa dyqane që kanë qenë mbyllur gjatë 5 javëve të fundit, që kur u morën masat për të frenuar koronavirusin në vend.
E kemi fjalën për dyqanet e kozmetikës, të kompjuterëve, të veshjeve, të bizhuterive apo elektroshtëpiakeve dhe mobiljeve, të cilat do të hapen pas urdhrit të ri të qeverisë.
Dje u bë publike lista e bizneseve që do të nisin punën në fashën orare 05:00-17:30. Por këto biznese duhet të sigurojnë disa kushte bazë për punonjësit, në mënyrë të shmanget përhapja e COVID-19.
Sipas urdhrit të ri të publikuar, punëdhënësi duhet t’u sigurojë maska dhe doreza për punonjësit, si dhe dezinfektantë.
Në listën e atyre bizneseve që do të hapen janë edhe sipërmarrjet e prodhimit, artikujve tekstile, tregjeve të shumicës, hotelet, sektori i peshkimit, ushqimoret, fruta perimet, elektroniket, karburantet, mobiljet dhe elekroshtëpiaket.
Më poshtë keni një listë më të përmbledhur të dyqaneve që ofrojnë shërbim nga e hëna, datë 20 prill.
