Në programin “N’majë të gjuhës” ka qenë së fundmi i ftuar reperi i njohur Capital T. Ai është rrëfyer për jetën e tij private por edhe atë profesionale.
Ai ka thënë ndër të tjera se qëllimi i radhës për të është krijimi i një familjeje.
“Kur të plakem nuk do ndryshoj. Jam pro plakjes por besoj do jem sportiv, familjar dhe besoj në Prishtinë do jem. Qëllimi i radhës është të krijoj familje e të jem prind i mirë”, tha ai.
Jo vetëm kaq por ai zbuloi se e pëlqen emrin e tij si dhe tha se emrin Trim ia ka vendosur i ati.
“Nuk kanë pasur ide për emrin në fillim. Në kohën që kam lindur unë ka qenë periudhë shumë e vështirë për Kosovën. Nëna është dashur të shkojë në Gjakovë të më lindë. Rrugës babi po dëgjonte një këngë me fjalën “trim” dhe kur ka shkuar në spital dhe e pyetën për emrin e djalit vendosi për Trim.”- tha Capital T.
Por cilat janë planet e reperit lidhur me koncertin e tij “Time Capsule”? E thotë vetë ai.
“Jam konsistent në atë që dua. Jam më shumë “do”-er sesa “talk”-er. Ka shumë gjëra që kam arritur po nëse do flasim për muzikë është koncerti im “Time Capsule” në 2019-ën në Sheshin Nënë Tereza në Tiranë. Planet ishin që menjëherë më pas do të bëhej në Prishtinë por pandemia na i prishi planet. Do e sjell edhe në Prishtinë në 2023. E kam anonçuar po s’kam datë egzakte. Po ju them që do të jetë në verë. Është i rëndësishëm për mua se jam në shtëpinë time. Unë dhe gjithë ekipi që u bë pjesë, realizuam një koncert që artistë të tjerë nuk e kishin bërë më parë dhe nuk e dinim as si do shkonte. Në një farë mënyre hapëm rrugën për iniciativa të tilla për artistët dhë është diçka shumë e mirë kjo. Më vjen mirë që ende flitet për të”, rrëfeu Capital T
