Filmi amerikan “Dirty Dancing” bëri që vajzat dhe djemtë kudo në botë të dashuroheshin me ndodhitë e tij. Historia e bukur e realizuar në vitet 1960 në Amerikë mes Johnny dhe Baby ende i bën të gjithë të ëndërrojnë.
Aktorët kryesorë të filmit Patrick Swayze dhe Jennifer Grey u bënë të famshëm në gjithë botën, për mjeshtërinë e tyre të treguar gjatë filmit.
Por, çfarë ndodhi me aktorët e filmit “Dirty Dancing”? Realiteti i ngjarjeve pas filmit është vërtetë shokues.
Suksesi i jashtëzakonshëm i filmit rezultoi si një mallkim për dy aktorët kryesorë, e jo vetëm.
Vetëm Patrick Swayze pati një shans me filmin “Ghost” ndërsa Jennifer Grey, në rolin e Baby nuk gjeti dot një punë apo një rol të ri. Por nuk mbaron këtu.
Anëtarët e tjerë të kastit, përfshirë vetë regjisorin, gjithashtu nuk patën shumë fat.
Përveç Swayze, i cili vdiq nga kanceri në moshën 57-vjeçare, regjisori Emile Ardolino, vdiq në moshën 50-vjeçare nga ‘SIDA’.
Aktori Jerry Orbach, babai i Baby-t në film, ndërroi jetë në moshën 69-vjeçare nga kanceri, ndërsa Max Cantor (kamerieri Robbie) vdiq nga një mbidozë heroine në moshën 32-vjeçare.
Filmi i suksesshëm mblodhi një vlerë mbresëlënëse prej 214 milionë dollar, por duket se pavarësisht fitimeve të mëdha, kompania e prodhimit të filmit “Vestron Video” falimentoi.
