Vitin e kaluar u bë publik lajmi se Meghan Markle dhe Princi Harry do të zhvendoseshin në një tjetër shtëpi.
Transferimi nga shtëpia e tyre në Kensington Palace në një vilë jashtë qytetit me 10 dhoma gjumi pranë Kështjellës Windsor, erdhi si vendim nga Duka dhe Dukesha e Sussex që të krijojnë një ambient të ngrohtë për fëmijën e tyre të parë.
Por përpara këtyre, Meghan dhe Harry vendosën që të merrnin me qira një shtëpi në Cotswolds prej 2.5 miilionë paund, për të cilën “The Sun” publikon për herë të parë një foto.
Sipas raportimeve, shtëpia i përket shekullit të 18-të dhe ka 4 dhoma gjumi dhe shtrihet në një pronë prej 16.187 m2. Ajo përfshinë dritare prej xhami që zëvendësojnë muret, një kuzhinë gjigande dhe një dhomë për veshjet.
“Është një vend i shkëlqyer me pamje mahnitëse dhe jashtëzakonisht private. Është vendosur në një prej fshatrave më të bukur. Meghan e adhuron zonën. Ajo dhe Harry bëjnë shëtitje me qentë dhe mund të argëtojnë miqtë e tyre në privatësi”, raportojnë mediat angleze.
Në listën e tyre të të ftuarve deri më tani ka qenë George dhe Amal Clooney, Serena Williams me Alexis Ohanian, si dhe Priyanka Chopra me Nick Jonas.
Burimi: The Sun
