Në listën e festave zyrtare në vendin tonë i shtohet edhe një tjetër. Me propozimin e përfaqësuesit të Ministrisë së Kulturës, Endri Zerva, tashmë do të kemi një ditë pushimi më shumë gjatë vitit kalendarik të punës.
Dita që do të jetë pushim është 5 shtatori, dita e Shenjtërimit të Nënë Terezës. Kjo ditë do të jetë pushim për punonjësit e administratës, si edhe për nxënësit në shkolla apo studentët në universitete.
Deri më tani kemi patur pushim 19 tetorin, ditën e Lumturimit të shenjtores, ndërsa sot u shënua si festë zyrtare edhe 5 shtatori.
