“Kush tha që kam partner”! Ishte kjo përgjigja mohuese e moderatores Klea Huta, kur Rudina Magjistari e pyeti për lidhjen me kantautorin Elgit Doda.
Por nuk kaluan as 24 orë dhe brunia bukuroshe deklaroi zyrtarisht lidhjen me Elgitin, përmes një fotoje që çifti zgjodhi ta publikonin në rrjetin social “Instagram”, në të njëjtën kohë.
Po si u prit lidhja më e re në showbiz-in shqiptar?
Komenti i parë dhe më i shpeshti ishte: “Si ia punove Rudinës”. Klea pohoi në emisionin e saj, se me Elgitin ishin “shokë të mirë”, por pak orë më pas u vërtetua se nuk janë vetëm shokë.
Shumë emra të njohur të ekranit, që kanë bashkëpunuar me Elgitin, reaguan për lidhjen. Më pikanti ishte komenti i Çiljeta Xhilagës:
” Zemra mal për ju të dy, ju hëngshim dasmën tani Elgit Doda dhe Klea Huta”.
“Rudina Magjistari tani thotë me vete, a në mos më ardhtë ajo Klea Huta në studio, hë hëë”, vijon komenti tjetër.
Për lajmin është çuditur edhe moderatori Turjan Hyska, ndërsa Olta Boka e ka përgëzuar çiftin. Pas shumë dyshimeve, çifti më në fund dolën hapur dhe treguan se janë bashkë dhe po jetojnë një romancë bashkë.
Burimi: Iconstyle.al
